GPS forrit - ADM

ADM, útgáfa 1.00A 13. nóvember 1994
Hluti af leiðbeiningum með forritinu eru hér að neðan.

Forritið ADM

Forritið ADM er til þess að lesa og skrifa GPS punkta í og úr Micrologic Admiral GPS tækjum. Forritið er fyrir PC tölvur og þurfa þær að vera með raðtengi (serial) tengi. Auk þess þarf að vera tengisnúra á milli tækisins og tölvunnar. GPS punktarnir, sem á að senda til tækisins þurfa að vera á sérstöku formi, sem er lýst aftar.

Uppsetning

Forritið er hægt að keyra af disklingnum, sem það kemur á. Þægilegast er að setja forritið og þær skrár, sem fylgja á sér efnissvæði. Það er gert þannig og er miðað við að harði diskurinn heiti C.

c:
md c:\adm
cd c:\adm
copy a:*.* c:\adm

Við þetta verður til sér efnisskrá, sem heitir adm og forritið er afritað inn á harða diskinn í hana. Þegar forritið er keyrt, Þá er best að gera það þannig:

c:
cd c:\adm
adm

Aðalvalmynd

Þegar forritið hefur verið ræst, er hægt að velja 4 aðgerðir. Þær eru:

H = Hjálp
T = Senda punkta til GPS tækis
F = Sækja punkta frá GPS tæki
X = Hætta

Velja þarf síðan eina af þessum 4 aðgerðum:
Veldu eitt af eftirfarandi: HTFX:
Það er gert með því að velja til dæmis T til að senda punkta til GPS tækis.
Inni í forritinu er smá hjálp. Hún fæst með því að velja H og þá kemur:

Micrologic Admiral Hjálp

X = Hætta í hjálp    R = Ræsing        F = Form á skrám      T = Tengingar
S = Senda punkta     A = Sækja punkta  U = Upplýsingar       P  = Punktaskrár

Veldu eitt af eftirfarandi: XRFTSAUP: Forritið er þannig byggt upp að notandinn er leiddur áfram og hann svarar spurningum um áframhald á hverjum stað.

Punktaskrár

Forritið gerir ekkert við punktaskrárnar annað en senda þær til GPS tækisins eða taka á móti þeim. Notandinn getur síðan unnið með skrárnar í eigin textavinnsluforriti, töflureikni, eða gagnagrunni. Einungis þarf að gæta þess að þær séu á réttu formi. Hentugt er að hafa til dæmis hverja leið í sér skrá og senda þær eftir þörfum inn í GPS tækið. Hentugt er þá að ráða númerunum eins og lýst er í Senda punkta til GPS tækis. Sem dæmi má nefna að leiðin Lyngdalsheiði - Fjallkirkja getur verið í skrá, sem heitir "lyngfjal.l" og leiðin Fjallkirkja - Hveravellir getur verið í skrá, sem heitir "fjalhver.l". Ef til dæmis 8 punktar eru í "lyngfjal.l" og 6 punktar eru í "fjalhver.l", þá má setja punktana úr "lyngfjal.l" í vegpunkta 21 til 28 og punktana úr "fjalhver.l" í vegpunkta 29 til 34 í GPS tækinu. Þá kemur þessi leið sem samfelld röð punkta í tækinu í númerum 21 til 34.

Ræsing.

Forritið gerir ráð fyrir að GPS tækið sé tengt í raðtengi 1. Ef GPS tækið er tengt raðtengi 2 þarf að ræsa það þannig:

adm /c2

Form á skrám.

Skrár með punktunum þurfa að vera á sérstöku formi. Þetta eru textaskrár, sem er hægt að vinna í editor, til dæmis EDIT, sem kemur með DOS stýrikerfinu. Ef notað er textavinnslukerfi ( WordPerfect, Word), þá þarf að vista skrárnar á textaformi í þeim. Skrá á þessu formi fæst til dæmis ef lesið er út úr GPS tækinu.
Skrá með GPS punktum í tölvu er þannig:

0001,6403.912,02134.720,BLAFJ./SANDSKEID
0002,6400.711,02138.345,BLAFJ/HAFNARFJ.
0003,6359.057,02138.913,BLAFJALLASKALI

Fyrst í línu er NÚMER punkts, sem verður að vera 4 stafir á bilinu 0001 til 0249. Ath. talan verður að vera 4 stafir og fylla þarf upp með núllum fyrir framan tölustafina til að fá 4 stafi í allt.
Næst er BREIDD staðar, og verður að vera 8 stafir með punktinum.
Þá er LENGD staðarins, og verður að vera 9 stafir með punktinum. Athugið að 0 verður að vera með.
Að lokum er HEITI staðsetningarinnar, það má mest vera 16 stafir. Ekki má nota aðra stafi en tölustafi og stafi enska stafrófsins. (Ath. Punktarnir að ofan eru birtir án ábyrgðar. Þeir eru teknir með DATUM = WGS-84.)

Senda punkta til GPS tækis.

Forritið sendir skrá, sem er á ákveðnu formi til GPS tækisins. Í skránnieru númer, breidd, lengd og heiti punktar. Notandinn getur ráðið hvort hann notar þessi númer eða gefur ný. Punktar, sem verða sendir til GPS tækis fara yfir þá, sem hafa sömu númer í tækinu. Þetta á líka við punkta númer100 til 199 þó þeir séu læstir. Það tekur um 2 sekúndur að senda hvern punkt til GPS tækisins.

Sækja punkta frá GPS tæki.

GPS tækið getur sent 249 punkta til tölvunnar. Það sendir alltaf alla punktana. Þeir eru settir í skrá, sem notandinn gefur nafn. Ef skráin er til er gefinn kostur á að skrifa yfir skrána, en þá eyðileggst fyrra innihald hennar, gefa nýtt nafn eða sjá lista yfir skrár á ákveðnu efnissvæði (directory) tölvunnar.

Tengingar á milli tækis og PC tölvu.

Tengingum er lýst á blaðsíðu 15-5 í handbók tækisins (Operator's Manual). Tengingum í tengið J2 á GPS tækinu er lýst að neðan. 25p þýðir 25 pinna tengi og 9p þýðir 9 pinna tengi.

Númer	Litur	Lýsing		25p	9p	Lýsing í PC tölvu
Pinni 1	rauðgul	Power +10 to +31 VDC		Fer í + afl inn.
Pinni 2	hvítur	REC 1 RETURN	7	5	Jörð á PC tengi.
Pinni 3	gulur	Autopilot			er ótengdur.
Pinni 4	svartur	PowerGround	7	5	Jörð á PC tengi.og -afl inn.
Pinni 5	grænn	TXD 1		3	2	Rec á PC tengi.
Pinni 6	grár	REC 1		2	3	Txd á PC tengi.

Engin ábyrgð er tekin á forritinu, afleiðingum notkunar þess eða hugsanlegum göllum þess.
Ekki má afrita forritið á nokkurn hátt.
Ábendingum um galla eða endurbætur á Forritinu ADM má koma til undirritaðs. Hugsanlega verða gerðar endurbætur á forritinu. Þeir, sem hafa áhuga á að fylgjast með þeim eru beðnir um að láta undirritaðann vita.
Upplýsingar veitir: Einar Hrafnkell Haraldsson, sími: 568-7694, Email: ehh@simnet.is

Einar Hrafnkell Haraldsson, ehh@simnet.is, 28. nóvember 1995